Sri Garuda Dandakam – శ్రీ గరుడ దండకం

శ్రీమాన్ వేఙ్కటనాథార్యః కవితార్కికకేసరీ |

వేదాన్తచార్యవర్యో మే సన్నిధత్తాం సదాహృది ||

నమః పన్నగనద్ధాయ వైకుణ్ఠవశవర్తినే |

శ్రుతిసిన్ధుసుధోత్పాదమన్దరాయ గరుత్మతే ||

గరుడమఖిల వేద నీడాధిరూఢం ద్విషత్ పీడనోత్ కణ్ఠితాకుణ్ఠ వైకుణ్ఠ పీఠీకృత

స్కన్ధమీడే స్వనీడాగతి ప్రీత రుద్రా సుకీర్తి-స్తనాభోగ గాఢోప గూఢ స్ఫురత్కణ్టకవ్రాత వేధవ్యథా వేపమాన ద్విజిహ్వాధిపాకల్ప విష్ఫార్యమాణ స్ఫటా వాటికా రత్న రోచిశ్ఛటా రాజినీరాజితం కాన్తి కల్లోలినీ రాజితమ్ || ౧ ||

జయ గరుడ సుపర్ణ దర్వీకరాహార దేవాధిపాహార హారిన్

దివౌకస్పతి క్షిప్త దంభోళి ధారా కిణాకల్ప కల్పాన్త వాతూల కల్పోదయానల్ప

వీరాయితోద్యచ్చమత్కార దైత్యారిజైత్ర ధ్వజారోహ నిర్ధారితోత్కర్ష

సంకర్షణాత్మన్ గరుత్మన్ మరుత్పఞ్చకాధీశ సత్యాదిమూర్తే న కశ్చిత్

సమస్తే నమస్తే పునస్తే నమః || ౨ ||

నమ ఇదమజహత్ సపర్యాయ పర్యాయ నిర్యాత పక్షానిలాస్ఫాలనోద్వేల పాథోధి

వీచీచపేటాహతాగాధ పాతాళ భాఙ్కార సంక్రుద్ధ నాగేన్ద్ర పీడాసృణీభావ భాస్వన్నఖశ్రేణయే చణ్డతుణ్డాయ నృత్యద్భుజఙ్గభ్రువే వజ్రిణే దంష్ట్రయా తుభ్యమధ్యాత్మవిద్యా విధేయా విధేయా భవద్దాస్యమాపాదయేథా దయేథాశ్చ మే || ౩ ||

మనురనుగత పక్షివక్త్ర స్ఫురత్తారకస్తావకశ్చిత్రభాను ప్రియా శేఖరస్త్రాయతాం

నస్త్రివర్గాపవర్గ ప్రసూతిః పరవ్యో మధామన్ వలద్వేషిదర్పజ్వలద్వాలఖిల్య ప్రతిజ్ఞావతీర్ణ స్థిరాం తత్త్వబుద్ధిం పరాం భక్తిధేనుం జగన్మూలకన్దే ముకున్దే మహానన్దదోగ్ధ్రీం దధీథా ముధాకామహీనామహీనామహీనాన్తక || ౪ ||

షట్త్రింశద్గణచరణో నర పరిపాటీ నవీన గుంభగణః |

విష్ణురథ దణ్డకోఽయం విఘటయతు విపక్ష వాహినీ వ్యూహమ్ ||

విచిత్ర సిద్ధిదః సోఽయం వేఙ్కటేశవిపశ్చితా |

గరుడధ్వజతోషాయ గీతో గరుడదణ్డకః ||

కవితార్కిక సింహాయ కళ్యాణ గుణశాలినే |

శ్రీమతే వేఙ్కటేశాయ వేదాన్త గురవే నమః ||

శ్రీమతే నిగమాన్తమహాదేశికాయ నమః ||