Sri Lalitha Avirbhava Stuti – శ్రీ లలితా ఆవిర్భావ స్తుతి

విశ్వరూపిణి సర్వాత్మే విశ్వభూతైకనాయకి |

లలితా పరమేశాని సంవిద్వహ్నేస్సముద్భవ || ౧ ||

అనంగరూపిణి పరే జగదానందదాయిని |

లలితా పరమేశాని సంవిద్వహ్నేస్సముద్భవ || ౨ ||

జ్ఞాత్వజ్ఞానజ్ఞేయరూపే మహాజ్ఞానప్రకాశిని |

లలితా పరమేశాని సంవిద్వహ్నేస్సముద్భవ || ౩ ||

లోకసంహారరసికే కాళికే భద్రకాళికే |

లలితా పరమేశాని సంవిద్వహ్నేస్సముద్భవ || ౪ ||

లోకసంత్రాణరసికే మంగళే సర్వమంగళే |

లలితా పరమేశాని సంవిద్వహ్నేస్సముద్భవ || ౫ ||

విశ్వసృష్టిపరాధీనే విశ్వనాథే విశంకటే |

లలితా పరమేశాని సంవిద్వహ్నేస్సముద్భవ || ౬ ||

సంవిద్వహ్ని హుతాశేష సృష్టి సంపాదితాకృతే |

లలితా పరమేశాని సంవిద్వహ్నేస్సముద్భవ || ౭ ||

భండాద్యైస్తారకాద్యైశ్వ పీడితానాం సతాం ముదే |

లలితా పరమేశాని సంవిద్వహ్నేస్సముద్భవ || ౮ ||