Sri Anjaneya Mangala Ashtakam – శ్రీ ఆంజనేయ మంగళాష్టకం
గౌరీశివవాయువరాయ అంజనికేసరిసుతాయ చ |
అగ్నిపంచకజాతాయ ఆంజనేయాయ మంగళమ్ || ౧ ||
వైశాఖేమాసి కృష్ణాయాం దశమ్యాం మందవాసరే |
పూర్వాభాద్రప్రభూతాయ ఆంజనేయాయ మంగళమ్ || ౨ ||
పంచాననాయ భీమాయ కాలనేమిహరాయ చ |
కౌండిన్యగోత్రజాతాయ ఆంజనేయాయ మంగళమ్ || ౩ ||
సువర్చలాకళత్రాయ చతుర్భుజధరాయ చ |
ఉష్ట్రారూఢాయ వీరాయ ఆంజనేయాయ మంగళమ్ || ౪ ||
దివ్యమంగళదేహాయ పీతాంబరధరాయ చ |
తప్తకాంచనవర్ణాయ ఆంజనేయాయ మంగళమ్ || ౫ ||
కరుణారసపూర్ణాయ ఫలాపూపప్రియాయ చ |
మాణిక్యహారకంఠాయ ఆంజనేయాయ మంగళమ్ || ౬ ||
భక్తరక్షణశీలాయ జానకీశోకహారిణే |
సృష్టికారణభూతాయ ఆంజనేయాయ మంగళమ్ || ౭ ||
రంభావనవిహారాయ గంధమాదనవాసినే |
సర్వలోకైకనాథాయ ఆంజనేయాయ మంగళమ్ || ౮ ||
mallesham kota says:
good. without any mistake