Sacred Manasa Devi Stotram: Channeling Divine Blessings 1

Sri Manasa Devi Stotram (Mahendra Krutam) – శ్రీ మనసా దేవీ స్తోత్రం – Telugu

Manasa Devi Stotram

మహేంద్ర ఉవాచ |

దేవి త్వాం స్తోతుమిచ్ఛామి సాధ్వీనాం ప్రవరాం వరామ్ |

పరాత్పరాం చ పరమాం న హి స్తోతుం క్షమోఽధునా || ౧ ||

స్తోత్రాణాం లక్షణం వేదే స్వభావాఖ్యానతః పరమ్ |

న క్షమః ప్రకృతిం వక్తుం గుణానాం తవ సువ్రతే || ౨ ||

శుద్ధసత్త్వస్వరూపా త్వం కోపహింసావివర్జితా |

న చ శప్తో మునిస్తేన త్యక్తయా చ త్వయా యతః || ౩ ||

త్వం మయా పూజితా సాధ్వి జననీ చ యథాఽదితిః |

దయారూపా చ భగినీ క్షమారూపా యథా ప్రసూః || ౪ ||

త్వయా మే రక్షితాః ప్రాణా పుత్రదారాః సురేశ్వరి |

అహం కరోమి త్వాం పూజ్యాం మమ ప్రీతిశ్చ వర్ధతే || ౫ ||

నిత్యం యద్యపి పూజ్యా త్వం భవేఽత్ర జగదంబికే |

తథాఽపి తవ పూజాం వై వర్ధయామి పునః పునః || ౬ ||

యే త్వామాషాఢసంక్రాంత్యాం పూజయిష్యంతి భక్తితః |

పంచమ్యాం మనసాఖ్యాయాం మాసాంతే వా దినే దినే || ౭ ||

పుత్రపౌత్రాదయస్తేషాం వర్ధంతే చ ధనాని చ |

యశస్వినః కీర్తిమంతో విద్యావంతో గుణాన్వితాః || ౮ ||

యే త్వాం న పూజయిష్యంతి నిందంత్యజ్ఞానతో జనాః |

లక్ష్మీహీనా భవిష్యంతి తేషాం నాగభయం సదా || ౯ ||

[|| స్తోత్రం ||]

త్వం స్వర్గలక్ష్మీః స్వర్గే చ వైకుంఠే కమలా కలా |

నారాయణాంశో భగవాన్ జరత్కారుర్మునీశ్వరః || ౧౦ ||

తపసా తేజసా త్వాం చ మనసా ససృజే పితా |

అస్మాకం రక్షణాయైవ తేన త్వం మనసాభిధా || ౧౧ ||

మనసా దేవితుం శక్తా చాత్మనా సిద్ధయోగినీ |

తేన త్వం మనసాదేవీ పూజితా వందితా భవే || ౧౨ ||

యాం భక్త్యా మానసా దేవాః పూజయంత్యనిశం భృశమ్ |

తేన త్వాం మనసాదేవీం ప్రవదంతి పురావిదః || ౧౩ ||

సత్త్వరూపా చ దేవీ త్వం శశ్వత్సత్త్వనిషేవయా |

యో హి యద్భావయేన్నిత్యం శతం ప్రాప్నోతి తత్సమమ్ || ౧౪ ||

[|| ఫలశ్రుతి ||]

ఇంద్రశ్చ మనసాం స్తుత్వా గృహీత్వా భగినీం చ తామ్ |

నిర్జగామస్వ భవనం భూషావాస పరిచ్ఛదామ్ || ౧౫ ||

పుత్రేణ సార్ధం సా దేవీ చిరం తస్థౌ పితుర్గృహే |

భ్రాతృభిః పూజితా శశ్వన్మాన్యావన్ద్యా చ సర్వతః || ౧౬ ||

గోలోకాత్సురభీ బ్రహ్మంస్తత్రాగత్య సుపూజితామ్ |

ఇదం స్తోత్రం పుణ్యబీజం తాం సంపూజ్య చ యః పఠేత్ || ౧౭ ||

తస్య నాగభయం నాస్తి తస్యవంశే భవేచ్చ యః |

విషం భవేత్సుధాతుల్యం సిద్ధస్తోత్రం యదా పఠేత్ || ౧౮ ||

పంచలక్షజపేనైవ సిద్ధస్తోత్రో భవేన్నరః |

సర్పశాయీ భవేత్సోఽపి నిశ్చితం సర్పవాహనః || ౧౯ ||

ఇతి శ్రీబ్రహ్మవైవర్తేమహాపురాణే ద్వితీయేప్రకృతిఖండే మనసోపాఖ్యానే మహేంద్ర కృత శ్రీమనసాదేవీ స్తోత్రం సంపూర్ణమ్ ||

Sri Manasa Devi Stotram

Mahendra uvāca |

dēvi tvāṁ stōtumićchāmi sādhvīnāṁ pravarāṁ varām |

parātparāṁ ca paramāṁ na hi stōtuṁ kṣamō'dhunā || 1 ||

stōtrāṇāṁ lakṣaṇaṁ vēdē svabhāvākhyānataḥ param |

na kṣamaḥ prakṛtiṁ vaktuṁ guṇānāṁ tava suvratē || 2 ||

śuddhasattvasvarūpā tvaṁ kōpahiṁsāvivarjitā |

na ca śaptō munistēna tyaktayā ca tvayā yataḥ || 3 ||

tvaṁ mayā pūjitā sādhvi jananī ca yathā'ditiḥ |

dayārūpā ca bhaginī kṣamārūpā yathā prasūḥ || 4 ||

tvayā mē rakṣitāḥ prāṇā putradārāḥ surēśvari |

ahaṁ karōmi tvāṁ pūjyāṁ mama prītiśca vardhatē || 5 ||

nityaṁ yadyapi pūjyā tvaṁ bhavē'tra jagadambikē |

tathā'pi tava pūjāṁ vai vardhayāmi punaḥ punaḥ || 6 ||

yē tvāmāṣāḍhasaṁkrāntyāṁ pūjayiṣyanti bhaktitaḥ |

pañcamyāṁ manasākhyāyāṁ māsāntē vā dinē dinē || 7 ||

putrapautrādayastēṣāṁ vardhantē ca dhanāni ca |

yaśasviṇaḥ kīrtimantō vidyāvantō guṇānvitāḥ || 8 ||

yē tvāṁ na pūjayiṣyanti nindantyajñānatō janāḥ |

lakṣmīhīnā bhaviṣyanti tēṣāṁ nāgabhayaṁ sadā || 9 ||

|| stōtram ||

tvaṁ swargalakṣmīḥ swargē ca vaikuṇṭhē kamalā kalā |

nārāyaṇāṁśō bhagavān jaratkārumunīśvaraḥ || 10 ||

tapasā tējasā tvaṁ ca manasā sasṛjē pitā |

asmākaṁ rakṣaṇāyaiva tēna tvaṁ manasābhidhā || 11 ||

manasā dēvitum śaktā cātmanā siddhayōginī |

tēna tvaṁ manasādēvī pūjitā vanditā bhavē || 12 ||

yāṁ bhaktyā mānasā dēvāḥ pūjayantyanishaṁ bṛśam |

tēna tvaṁ manasādēvīṁ pravadanti purāvidaḥ || 13 ||

sattvarūpā ca dēvī tvaṁ śaśvatsattvanishēvayā |

yō hi yadbhāvayēnnityaṁ śataṁ prāpnōti tatsamam || 14 ||

|| phalaśruti ||

indrashca manasāṁ stutvā gr̥hītvā bhaginīṁ ca tām |

nirjagāmasva bhavanaṁ bhūṣāvāsa paricchadām || 15 ||

putrēṇa sārdhaṁ sā dēvī ciram tasthau piturgṛhē |

bhrātr̥bhiḥ pūjitā śaśvanmānyāvandyā ca sarvataḥ || 16 ||

gōlōkātsurabhī brahmaṁstatrāgatya supūjitām |

idaṁ stōtram puṇyabījaṁ tāṁ saṁpūjya ca yaḥ paṭhēt || 17 ||

tasya nāgabhayaṁ nāsti tasyavaṁśē bhavēcca yaḥ |

viṣaṁ bhavētsudhātulyaṁ siddhastōtraṁ yadā paṭhēt || 18 ||

pañcalakṣajapēnaiva siddhastōtrō bhavēn̄naraḥ |

sarpaśāyī bhavētsō'pi niścitam sarpavāhanaḥ || 19 ||

సుబ్రహ్మణ్య స్వామి స్తోత్రాణి

Vaasavi.net A complete aryavysya website