Table of Contents
Kanakadhara Stotram – telugu
వందే వందారు మందారమిందిరానంద కందలం
అమందానంద సందోహ బంధురం సింధురాననమ్
అంగం హరేః పులకభూషణమాశ్రయంతీ
భృంగాంగనేవ ముకుళాభరణం తమాలమ్ |
అంగీకృతాఖిల విభూతిరపాంగలీలా
మాంగల్యదాస్తు మమ మంగళదేవతాయాః || 1 ||
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని |
మాలాదృశోర్మధుకరీవ మహోత్పలే యా
సా మే శ్రియం దిశతు సాగర సంభవా యాః || 2 ||
ఆమీలితాక్షమధిగ్యమ ముదా ముకుందమ్
ఆనందకందమనిమేషమనంగ తంత్రం |
ఆకేకరస్థితకనీనికపక్ష్మనేత్రం
భూత్యై భవన్మమ భుజంగ శయాంగనా యాః || 3 ||
బాహ్వంతరే మధుజితః శ్రితకౌస్తుభే యా
హారావళీవ హరినీలమయీ విభాతి |
కామప్రదా భగవతోఽపి కటాక్షమాలా
కళ్యాణమావహతు మే కమలాలయా యాః || 4 ||
కాలాంబుదాళి లలితోరసి కైటభారేః
ధారాధరే స్ఫురతి యా తటిదంగనేవ |
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనందనా యాః || 5 ||
ప్రాప్తం పదం ప్రథమతః ఖలు యత్ప్రభావాత్
మాంగల్యభాజి మధుమాథిని మన్మథేన |
మయ్యాపతేత్తదిహ మంథరమీక్షణార్థం
మందాలసం చ మకరాలయ కన్యకా యాః || 6 ||
విశ్వామరేంద్ర పద విభ్రమ దానదక్షమ్
ఆనందహేతురధికం మురవిద్విషోఽపి |
ఈషన్నిషీదతు మయి క్షణమీక్షణార్థం
ఇందీవరోదర సహోదరమిందిరా యాః || 7 ||
ఇష్టా విశిష్టమతయోపి యయా దయార్ద్ర
దృష్ట్యా త్రివిష్టపపదం సులభం లభంతే |
దృష్టిః ప్రహృష్ట కమలోదర దీప్తిరిష్టాం
పుష్టిం కృషీష్ట మమ పుష్కర విష్టరా యాః || 8 ||
దద్యాద్దయాను పవనో ద్రవిణాంబుధారాం
అస్మిన్నకించన విహంగ శిశౌ విషణ్ణే |
దుష్కర్మఘర్మమపనీయ చిరాయ దూరం
నారాయణ ప్రణయినీ నయనాంబువాహః || 9 ||
గీర్దేవతేతి గరుడధ్వజ సుందరీతి
శాకంబరీతి శశిశేఖర వల్లభేతి |
సృష్టి స్థితి ప్రళయ కేళిషు సంస్థితాయై
తస్యై నమస్త్రిభువనైక గురోస్తరుణ్యై || 10 ||
శ్రుత్యై నమోఽస్తు శుభకర్మ ఫలప్రసూత్యై
రత్యై నమోఽస్తు రమణీయ గుణార్ణవాయై |
శక్త్యై నమోఽస్తు శతపత్ర నికేతనాయై
పుష్ట్యై నమోఽస్తు పురుషోత్తమ వల్లభాయై || 11 ||
నమోఽస్తు నాళీక నిభాననాయై
నమోఽస్తు దుగ్ధోదధి జన్మభూమ్యై |
నమోఽస్తు సోమామృత సోదరాయై
నమోఽస్తు నారాయణ వల్లభాయై || 12 ||
నమోఽస్తు హేమాంబుజ పీఠికాయై
నమోఽస్తు భూమండల నాయికాయై |
నమోఽస్తు దేవాది దయాపరాయై
నమోఽస్తు శారంగాయుధ వల్లభాయై || 13 ||
నమోఽస్తు దేవ్యై భృగునందనాయై
నమోఽస్తు విష్ణోరురసి స్థితాయై |
నమోఽస్తు లక్ష్మ్యై కమలాలయాయై
నమోఽస్తు దామోదర వల్లభాయై || 14 ||
నమోఽస్తు కాంత్యై కమలేక్షణాయై
నమోఽస్తు భూత్యై భువనప్రసూత్యై |
నమోఽస్తు దేవాదిభిరర్చితాయై
నమోఽస్తు నందాత్మజ వల్లభాయై || 15 ||
సంపత్కరాణి సకలేంద్రియ నందనాని
సామ్రాజ్య దానవిభవాని సరోరుహాక్షి |
త్వద్వందనాని దురితా హరణోద్యతాని
మామేవ మాతరనిశం కలయంతు మాన్యే || 16 ||
యత్కటాక్ష సముపాసనా విధిః
సేవకస్య సకలార్థ సంపదః |
సంతనోతి వచనాంగ మానసైః
త్వాం మురారిహృదయేశ్వరీం భజే || 17 ||
సరసిజనిలయే సరోజహస్తే
ధవళతమాంశుక గంధమాల్యశోభే |
భగవతి హరివల్లభే మనోజ్ఞే
త్రిభువనభూతికరీ ప్రసీదమహ్యం || 18 ||
దిగ్ఘస్తిభిః కనక కుంభముఖావసృష్ట
స్వర్వాహినీ విమలచారుజలాప్లుతాంగీమ్ |
ప్రాతర్నమామి జగతాం జననీమశేష
లోకధినాథ గృహిణీమమృతాబ్ధిపుత్రీం || 19 ||
కమలే కమలాక్ష వల్లభే త్వం
కరుణాపూర తరంగితైరపాంగైః |
అవలోకయ మామకించనానాం
ప్రథమం పాత్రమకృతిమం దయాయాః || 20 ||
దేవి ప్రసీద జగదీశ్వరి లోకమాతః
కళ్యాణగాత్రి కమలేక్షణ జీవనాథే |
దారిద్ర్యభీతిహృదయం శరణాగతం మాం
ఆలోకయ ప్రతిదినం సదయైరపాంగైః || 21 ||
స్తువంతి యే స్తుతిభిరమీభిరన్వహం
త్రయీమయీం త్రిభువనమాతరం రమాం |
గుణాధికా గురుతుర భాగ్య భాగినః
భవంతి తే భువి బుధ భావితాశయాః || 22 ||
సువర్ణధారా స్తోత్రం యచ్ఛంకరాచార్య నిర్మితం
త్రిసంధ్యం యః పఠేన్నిత్యం స కుబేరసమో భవేత్ ||
Kanakadhara Stotram – English
Vande vandāru mandārāmindirānanda kandalam
amandānanda sandōha bandhuram sindhurānnam
aṅgam harēḥ pulakabhūṣaṇamāśrayantī
bhṛṅgāṅganēva mukulābharaṇaṁ tamālam |
aṅgīkr̥tākhila vibhūtirapāṅgalīlā
māṅgalyadāstu mama maṅgaladēvatāyāḥ || 1 ||
mugdā muhurvidadhatī vadanē murārēḥ
prēmatrapāpraṇihitāni gatāgatāni |
mālādṛśōr madhukarīva mahōtpalē yā
sā mē śriyaṁ diśatu sāgara sambhavā yāḥ || 2 ||
āmīlitākṣamadhigyama mudā mukundam
ānandakandamanimēṣamananga tantram |
ākēkarasthitakanīnikapakṣmanētraṁ
bhūtyai bhavanmama bhujanga śayāṅganā yāḥ || 3 ||
bāhvantarē madhujitaḥ śritakaustubhē yā
hārāvaḷīva harinīlamayī vibhāti |
kāmapradā bhagavatō’pi kaṭākṣamālā
kaḷyāṇamāvahatu mē kamalālayā yāḥ || 4 ||
kālāmbudāḷi lalitōrasi kaiṭabhārēḥ
dhārādharē sphurati yā taṭidaṅganēva |
mātussamastajagatāṁ mahanīyamūrtiḥ
bhadrāṇi mē diśatu bhārgavanandanā yāḥ || 5 ||
prāptaṁ padaṁ prathamataḥ khalu yatprabhāvāt
māṅgalyabhāji madhumāthini manmathēna |
maiyyāpatēttadiha mantharamīkṣaṇārthaṁ
mandālasaṁ ca makarālayakanyakā yāḥ || 6 ||
viśvāmarēndra pada vibhrama dānadakṣam
ānandahēturadhikaṁ muravidviṣō’pi |
īṣanniṣīḍatu mayi kṣaṇamīkṣaṇārthaṁ
indīvarōdara sahōdaramindirā yāḥ || 7 ||
iṣṭā viśiṣṭamatayō’pi yayā dayārdra
dṛṣṭyā trivisṭapapadaṁ sulabhaṁ labhantē |
dṛṣṭiḥ prahṛṣṭa kamalōdara dīptiriṣṭāṁ
puṣṭiṁ kr̥ṣīṣṭa mama puṣkara viṣṭarā yāḥ || 8 ||
dadyāddayānu pavanō draviṇāmbudhārāṁ
asminnakiñcana vihaṅga śiśau viṣaṇṇē |
duṣkarma gharmamapaniya cirāya dūraṁ
nārāyaṇa praṇayinī nayanāmbuvāhaḥ || 9 ||
gīrdēvatēti garuḍadhvaja sundarīti
śākambarīti śaśiśēkhara vallabhēti |
sr̥ṣṭi sthiti pralayakēḷiṣu saṁsthitāyai
tasyai namastribhuvanaika gurōstaruṇyai || 10 ||
śrutyai namō’stu śubhakarma phalaprasūtyai
ratyai namō’stu ramaṇīya guṇārṇavāyai |
śaktyai namō’stu śatapatra nikētanāyai
puṣṭyai namō’stu puruṣōttama vallabhāyai || 11 ||
namō’stu nālīka nibhānanāyai
namō’stu dugdhōdadhi janmabhūmyai |
namō’stu sōmāmṛta sōdarāyai
namō’stu nārāyaṇa vallabhāyai || 12 ||
namō’stu hēmāmbuja pīṭhikāyai
namō’stu bhūmaṇḍala nāyikāyai |
namō’stu dēvādidi dāyāparāyai
namō’stu śārṅgāyudha vallabhāyai || 13 ||
namō’stu dēvyai bhṛgunandanāyai
namō’stu viṣṇōrurasi sthitāyai |
namō’stu lakṣmyai kamalālayāyai
namō’stu dāmōdara vallabhāyai || 14 ||
namō’stu kāntyai kamalēkṣaṇāyai
namō’stu bhūtyai bhuvanaprasūtyai |
namō’stu dēvādibhirarcitāyai
namō’stu nandātmaja vallabhāyai || 15 ||
saṁpatkarāṇi sakalēndriya nandanāni
sāmrājya dānavibhavāni sarōruhākṣi |
tvadvandanāni duritā haraṇōdyatāni
māmēva mātaranishaṁ kalayanthu mānyē || 16 ||
yatkaṭākṣa samupāsanā vidhiḥ
sēvakasya sakalārtha sampadaḥ |
santanōti vacanāṅga mānasaiḥ
tvāṁ murārihr̥dayēśvarīṁ bhajē || 17 ||
sarasijanilayē sarōjahastē
dhavaḷatamāṁśuka gandhamālyaśōbhē |
bhagavati harivallabhē manōjñē
tribhuvanabhūtikarī prasīdamahyam || 18 ||
digghastibhiḥ kanaka kumphamukhāvasṛṣṭa
svarvāhinī vimalacārujalāplutāṅgīm |
prātarnamāmi jagatāṁ jananīmaśēṣa
lōkadhinātha gr̥hiṇīmamr̥tābdhiputrīm || 19 ||
kamalē kamalākṣa vallabhē tvaṁ
karuṇāpūra taraṅgitairapāṅgaiḥ |
avalōkaya māmakinchanānāṁ
prathamaṁ pātramakr̥timaṁ dayāyāḥ || 20 ||
dēvi prasīda jagadīśvari lōkamātaḥ
kaḷyāṇagātri kamalēkṣaṇa jīvanāthē |
dāridryabhītihr̥dayaṁ śaraṇāgataṁ māṁ
ālōkaya pratidinaṁ sadayairapāṅgaiḥ || 21 ||
stuvanti yē stutibhiramībhiranvahaṁ
trayīmayīṁ tribhuvanamātaraṁ ramām |
guṇādhikā gurutura bhāgya bhāginaḥ
bhavanti tē bhuvi budha bhāvitāśayāḥ || 22 ||
suvarṇadhārā stōtraṁ yacchaṁkarācārya nirmitam
trisaṁdhyaṁ yaḥ paṭhēnnityaṁ sa kubērasamō bhavēt ||
Vaasavi.net A complete aryavysya website
