Table of Contents
Gayatri Ramayanam – గాయత్రీ రామాయణం
Gayatri Ramayanam – గాయత్రీ రామాయణం
తపః స్వాధ్యాయనిరతం తపస్వీ వాగ్విదాం వరమ్ |
నారదం పరిపప్రచ్ఛ వాల్మీకిర్మునిపుంగవమ్ || ౧
స హత్వా రాక్షసాన్ సర్వాన్ యజ్ఞఘ్నాన్ రఘునందనః |
ఋషిభిః పూజితః సమ్యగ్యథేంద్రో విజయీ పురా || ౨
విశ్వామిత్రస్తు ధర్మాత్మా శ్రుత్వా జనకభాషితమ్ |
వత్స రామ ధనుః పశ్య ఇతి రాఘవమబ్రవీత్ || ౩
తుష్టావాస్య తదా వంశం ప్రవిష్య చ విశాంపతేః |
శయనీయమ్ నరేంద్రస్య తదాసాద్య వ్యతిష్ఠత || ౪
వనవాసం హి సంఖ్యాయ వాసాంస్యాభరణాని చ |
భర్తారమనుగచ్ఛంత్యై సీతాయై శ్వశురో దధౌ || ౫
రాజా సత్యం చ ధర్మం చ రాజా కులవతాం కులమ్ |
రాజా మాతా పితా చైవ రాజా హితకరో నృణామ్ || ౬
నిరీక్ష్య స ముహూర్తం తు దదర్శ భరతో గురుమ్ |
ఉటజే రామమాసీనం జటామండలధారిణమ్ || ౭
యది బుద్ధిః కృతా ద్రష్టుం అగస్త్యం తం మహామునిమ్ |
అద్యైవ గమనే బుద్ధిం రోచయస్వ మహాయశాః || ౮
భరతస్యార్యపుత్రస్య శ్వశ్రూణాం మమ చ ప్రభో |
మృగరూపమిదం వ్యక్తం విస్మయం జనయిష్యతి || ౯
గచ్ఛ శీఘ్రమితో రామ సుగ్రీవం తం మహాబలమ్ |
వయస్యం తం కురు క్షిప్రమితో గత్వాఽద్య రాఘవ || ౧౦
దేశకాలౌ ప్రతీక్షస్వ క్షమమాణః ప్రియాప్రియే |
సుఖదుఃఖసహః కాలే సుగ్రీవ వశగో భవ || ౧౧
వంద్యాస్తే తు తపస్సిద్ధాః తాపసా వీతకల్మషాః |
ప్రష్టవ్యాశ్చాపి సీతాయాః ప్రవృత్తిం వినయాన్వితైః || ౧౨
స నిర్జిత్య పురీం శ్రేష్ఠాం లంకాం తాం కామరూపిణీమ్ |
విక్రమేణ మహతేజాః హనుమాన్మారుతాత్మజః || ౧౩
ధన్యా దేవాః స గంధర్వాః సిద్ధాశ్చ పరమర్షయః |
మమ పశ్యన్తి యే నాథం రామం రాజీవలోచనమ్ || ౧౪
మంగళాభిముఖీ తస్య సా తదాసీన్మహాకపేః |
ఉపతస్థే విశాలాక్షీ ప్రయతా హవ్యవాహనమ్ || ౧౫
హితం మహార్థం మృదు హేతు సంహితం
వ్యతీతకాలాయతి సంప్రతిక్షమమ్ |
నిశమ్య తద్వాక్యముపస్థితజ్వరః
ప్రసంగవానుత్తరమేతదబ్రవీత్ || ౧౬
ధర్మాత్మా రక్షసాం శ్రేష్ఠః సంప్రాప్తోఽయం విభీషణః |
లంకైశ్వర్యమ్ ధ్రువం శ్రీమానయం ప్రాప్నోత్యకంటకమ్ || ౧౭
యో వజ్రపాతాశని సన్నిపాతాన్
న చక్షుభే నాపి చచాల రాజా |
స రామబాణాభిహతో భృశార్తః
చచాల చాపం చ ముమోచ వీరః || ౧౮
యస్య విక్రమమాసాద్య రాక్షసా నిధనం గతాః |
తం మన్యే రాఘవం వీరం నారాయణమనామయమ్ || ౧౯
న తే దదర్శిరే రామం దహంతమరివాహినీమ్ |
మోహితాః పరమాస్త్రేణ గాంధర్వేణ మాహాత్మనా || ౨౦
ప్రణమ్య దేవతాభ్యశ్చ బ్రాహ్మణేభ్యశ్చ మైథిలీ |
బద్ధాంజలిపుటా చేదమువాచాగ్ని సమీపతః || ౨౧
చలనాత్పర్వతేంద్రస్య గణా దేవాశ్చ కంపితాః |
చచాల పార్వతీ చాపి తదాశ్లిష్టా మహేశ్వరమ్ || ౨౨
దారాః పుత్రాః పురం రాష్ట్రం భోగాచ్ఛాదనభోజనమ్ |
సర్వమేవావిభక్తం నో భవిష్యతి హరీశ్వర || ౨౩
యామేవ రాత్రిం శత్రుఘ్నః పర్ణశాలాం సమావిశత్ |
తామేవ రాత్రిం సీతాఽపి ప్రసూతా దారకద్వయమ్ || ౨౪
ఇదం రామాయణం కృత్స్నం గాయత్రీబీజసంయుతమ్ |
త్రిసంధ్యం యః పఠేన్నిత్యం సర్వపాపైః ప్రముచ్యతే ||
ఇతి శ్రీ గాయత్రీ రామాయణమ్ సమ్పూర్ణమ్ ||
Gayatri Ramayanam – English
Gayatri Ramayanam
Tapah swadhyayaniratam tapasvee vagvidam varam |
Naradam paripapraccha valmeekirmunipungavam || 1
Sa hatva rakshasaan sarvaan yajñaghnan raghunandanah |
Rishibhih poojitah samyagyathendro vijayee pura || 2
Vishvaamitrasthu dharmatma shrutva janakabhaashitam |
Vatsa Rama dhanuh pashya iti Raghavamabraveet || 3
Tushtavasya tada vamsham pravishya cha visampateh |
Shayaniyam narendrasya tadaasadya vyatishthat || 4
Vanavasam hi sankhyaaya vasamsyaabharanani cha |
Bhartaramanugacchhantyai Seetayai shvashuro dadhau || 5
Raja satyam cha dharmam cha raja kulavatam kulam |
Raja mata pita chaiva raja hitakaro nrinaam || 6
Nireekshya sa muhoortam tu dadarsha Bharato gurum |
Utaje Ramamasinam jataamandaladharinam || 7
Yadi buddhih krita drashtum agastyam tam mahaamunim |
Adyaiva gamane buddhim rochayasva mahaayashah || 8
Bharatasyaryaputrasya shvashrunam mama cha prabho |
Mrigarupamidam vyaktam vismayam janayishyati || 9
Gachchha sheeghramito Rama Sugreevam tam mahaabalam |
Vayasyam tam kuru kshipramito gatva’dya Raghava || 10
Deshakaalau prateekshasva kshamamanah priyaapriye |
Sukhaduḥkhasahah kaale Sugreeva vashago bhava || 11
Vandyaste tu tapassiddhah taapasa veetakalmaṣah |
Prashtavyashchapi Seetayah pravrittim vinayaanvitaih || 12
Sa nirjitya pureem shreshtham Lankam tam kamarupinim |
Vikramena mahatejah Hanumanmarutaatmajah || 13
Dhanya devaah sa gandharvah siddhashcha paramarṣayah |
Mama pashyanti ye natham Ramam raajeevalochanam || 14
Mangalaabhimukhi tasya sa tadaaseenmahaakapeh |
Upatasthe vishalakshi prayata havyavahanam || 15
Hitam mahaartham mridu hetu samhitam
Vyateetakalayati sampratikshamam |
Nishamya tadvakyamupasthitajvarah
Prasangavaanuttarametadabraveet || 16
Dharmatma rakshasam shreshthah samprapto’yam Vibheeshanah |
Lankaiśvaryam dhruvam shreemanayam praapnotyakantakam || 17
Yo vajrapataashani sannipataan
Na chakshubhe naapi chachala raja |
Sa Ramabanabihato bhrishartah
Chachala chapam cha mumocha veerah || 18
Yasya vikramamaasadya rakshasa nidhanaṁ gataah |
Tam manye Raghavam veeram Narayanamanamayam || 19
Na te dadarshire Ramam dahantamari vaahineem |
Mohitah paramaastrena Gandharvena mahatmana || 20
Pranamya devataabhyashcha brahmanehbyashcha Maithilee |
Baddhanjaliputaa chedamuvaachaagni sameepatah || 21
Chalanaatparvatendrasya gana devaashcha kampitaah |
Chachala Parvati chaapi tadaashlishta Maheshvaram || 22
Daarah putrah puram raashtram bhogaachchhaadanabhojanam |
Sarvamevaavibhaktam no bhavishyati hareeshvara || 23
Yaameva raatrim Shatrughnah parnashaalaam samaavishat |
Taameva raatrim Seetaapi prasoota daarakadvayam || 24
Idam Ramayanam kritsnam Gayatri beeja samyutam |
Trisandhyam yah pathetnityam sarvapaapaih pramuchyate ||
Iti Sri Gayatri Ramayanam sampurnam ||
SRI RAMA ASHTOTTARA SATA NAMAAVALI – TELUGU
Vaasavi.net A complete aryavysya website
Jai sri Ram Jai