sriguru.org.in

పూజ గది విషయంలో తీసుకోవాల్సిన జాగ్రత్తలు – pooja room vastu

ఇంటిలో పూజ గది ఎక్కడ ఉండాలనే విషయాన్ని కూడా భారతీయ వాస్తు శాస్త్రాలు తెలియజేస్తున్నాయి. భగవంతుడిని పూజించేందుకు గది ప్రత్యేకంగా ఉండాలా లేదా ఒక అలమరాలో పెట్టుకుంటే సరిపోతుందా అనే విషయాన్ని వారివారి అభిప్రాయాలను బట్టి మారుతుంటుంది. గృహ వైశాల్యం మీద కూడా పూజ గది నిర్మాణం ఆధారపడి ఉంటుంది. ఇల్లు పెద్దదిగా ఉన్నప్పుడు పూజగది ఈశాన్యంలో పెట్టుకోవచ్చు. చిన్నదిగా ఉండి పూజగది నిర్మించటానకి వీలులేనప్పుడు గోడలో అలమరా చేయించి పెట్టుకునే వీలుంది.
పూజ చేసే గదిలో పెద్దసైజు రాతి విగ్రహాలు, లోహ విగ్రహాలు పెట్టుకోకూడదు. ఒకవేళ ఇటువంటి విగ్రహాలను పూజలో పెట్టినట్లయితే నిష్టగా పూజ చేయాల్సి ఉంటుంది. అలా చేయలేని వారు ఆ విగ్రహాలను పూజ గదిలో ఉంచుకోకపోవడం మంచిది. పూజలు జరగని విగ్రహాలు కొంతకాలానికి రుణదృవ శక్తి నిలయాలుగా మారి గృహస్తులకు హాని కలుగజేస్తాయి.

ఇదిలా ఉంటే పూజ గది వల్ల ఈశాన్యం మూతపడుకూడదు. మన రాష్ట్రంలో పూజగదులను వాయవ్యంలో నిర్మించే సంప్రదాయం ఉంది. పూజ గదిలో సిమెంటు మెట్లు పెట్టకూడదు. సిమెంటు పలకలు లేదంటే చెక్కతో చేయించిన పలకలమీద తమ ఇష్టదైవం పటాలను పెట్టుకోవాలి. ఒకే ఒక్క గదిలో నివాసం ఉన్నవారైతే గదికి ఈశాన్యంలో దేవుని పటం పెట్టుకుని కర్టెన్ ఏర్పాటు చేయాలి. ప్రార్థన చేసే విషయానికి వస్తే, తూర్పు దిశకు తిరిగి ప్రార్థన చేయటం అనాదిగా వస్తున్న సంప్రదాయం.

Related Articles

Leave a Reply

Your email address will not be published. Required fields are marked *