sriguru.org.in
అద్దె ఇంటిలో చేరేవారు గమనికలు

అద్దె ఇంటిలో చేరేవారు గమనికలు

సాధారణంగా సొంతఇల్లయినా, అద్దె ఇల్లయినా వాస్తురీత్యా ఉండాలి. సొంత ఇల్లు కలనెరవేరాలంటే అప్పటి వరకు అద్దెకుండే ఇల్లు కూడా వాస్తురీత్యా బాగుండాలి. మీరు ఉండే ఇల్లు గ్రామంలో అయినా, నగరంలో అయినా సరే వాస్తురీత్యా ఉండటం చాలా ముఖ్యం. అందుచేతనే అద్దె ఇంటిలో చేరేవారు ఆచితూచి అడుగు వేయడం మంచిది. అద్దె ఇంటిలో చేరేముందు గమనికల్లో ముఖ్యమైంది నైరుతి, దక్షిణ, పశ్చిమాలలో మాస్టర్ బెడ్‌రూమ్ ఉందోలేదో చూసుకోవాలి.

ఆగ్నేయంలో వంట గది ఉండాలి. ఈశాన్యంలో ద్వారం, గృహం మధ్యన ఖాళీ ఉండటం అవసరం. నైరుతిలో బాల్కనీ ఉండరాదు. ఇల్లు దిక్కులకు సరిగా ఉండాలి. ప్రతి పోర్షన్ చదరంగా లేదా దీర్ఘ చతురస్త్ర ఆకారంలో ఉండడం మంచింది. వృత్తాకారంలో మాత్రం ఉండకూడదు. అదేవిధంగా నైరుతి గదికి నైరుతిలో ద్వారం ఉండకూడదు.

ఇంటి ఆవరణలో నూతులు, గోతులు వాస్తుకు అనుగుణంగా ఉండాలి. చెడు వీధిపోట్లు, చీకటిగా ఉండి గాలి, వెలుతురు రానివి, రోడ్డు నుంచి బాగా పల్లంగా ఉన్న ఇళ్ళు మంచివికావు. టాయ్‌లెట్లు దక్షిణ, పశ్చిమాల్లో ఉండటం మంచిది.

ఇవి మాత్రమే కాక ఆ పోర్షన్ ఇంతకుముందు నుంచి అద్దెకు ఇస్తున్నదైతే ఇంతకుముందు అద్దెకున్న వారికి ఎలా ఉండేది, కలిసి వచ్చిందా లేక ఏవైనా ఇబ్బందులు పడ్డారా అన్నవిషయం తెలుసుకొని దాన్నిబట్టి అద్దెకు దిగాలి. పైకి బాగానే కనిపించినా గతంలో అద్దెకు ఉన్నవారికి తీవ్ర అనారోగ్య సమస్యలు, నానా విధములైన ఇబ్బందులు కలిగించిన పోర్షనులు, తరచూ ఖాళీ అయ్యే పోర్షనులు మంచివికావని తెలుసుకోవాలి.

ప్రమాదాలు, అకాల మరణాలు, హత్యలు, ఆత్మహత్యలు జరిగిన పోర్షనులు మంచివి కావని తెలుసుకోవాలి. అసలు వాస్తు బాగున్న ఇళ్ళు తరచూ ఖాళీ అవ్వవన్న విషయాన్ని గుర్తించడం ఎంతైనా అవసరమని వాస్తు శాస్త్ర గ్రంధాలు చెబుతున్నాయి.


Related Articles

Leave a Reply

Your email address will not be published. Required fields are marked *